MEDAILA SORTA  LORTUTA ORIAKOKO TXIRRINDULARIAK

Tafallako  belodromoan jarri ziren jokoan pasaden astean zehar  Espainiako pistako txapelketak. Oriako txirrindulari eskolako neska mutilak izan ziren bertan eta medaila sorta lortuta bueltatu  ziren Nafarroatik. Junior mailan Limousingo mailotarekin scrach proban Arkaitz Garmendiak brontzea lortu zuen, aurretik bakarkako jazarpenean  bere denbora pertsonala hobetu  eta gogotsu ekin zion scrachari lasterketa bikaina eginez.Euskadiko selekzioarekin Limousin-ZU_K ko Kattalin Iriondok  taldekako abiaduran zilarra  eskuratu zuen. Kadete gizonezkoetan Euskadiko selekzioarekin Limousingo Eneko Arocena eta  Urko Vidalek  taldekako abiaduran  finalean denborarik hoberena egin eta urrea  lortu zuten, horrez gain, taldekako jazarpenean  brontzea eskuratu zuten. Kadete emakumezkoetan Limousin-ZU_K ko Naroa Olanok eta Amaia Astarloak taldekako jazarpenean  brontzea lortu zuten Euskadirentzat. Emaitza  bikain hauei gehitu behar dizkiegu  pistako denboraldian zehar Portugalgo nazioarteko probetan ,Pistako ligan, Pistako Kopan eta Omniun txapelketetan lortutakoak. 

ARKAITZ GARMENDIAK BRONTZESKO  DOMINA TAFALLAN

Aste honetan jokatzen ari dira  Espainiako Pistako Txapelketetak Tafallako  belodromoan.

Atzokoan LIMOUSIN ORIAKOko koloreak defendatuz parte hartu zuen Arkaitz Garmendia Berastegiarrak, goizean jazarpen proban 9 garren sailkatuz eta arratsaldean  scrach proban brontzezko domina bereganatu zuen. Adoretsu  jokatuz  probaren zati garrantsitsuenetan eta  emaitza ezin hobea lortuz. Proba erdiraldea  hiruko batek ihes egin ondoren, Arkaitz tropeletik irten eta  laukote bat osatzea lortu zuten, atzetik  Balearetako eta Valentziako selekzioko ordezkariek lan egin behar izan zuten laukotea irensteko.  Hamasei itzuliren faltan, Carrascosa Estremadurako ordezkariak  ihes egin eta tropelean urduritasuna ezarri zuen , azken lau itzuliren faltan Torrent Cataluniarrak eta Arkaitzek tropeletik aurreratu eta  podiumneko mailak osatu zituzten.  Sasoi betean  iritxi da Iraileko probetara, duela aste parebat Lierniako errepideko proba irabazi eta krono igoera  bikain bat bete ondoren  segundu batengaitik bigarren sailkatu zen  bi proben arteko sailkapen orokorrean.

LIMOUSIN ORIAKO taldeko  hainbat txirrindulari  izango  ditugu  egun hauetan pistako Espainiako txapelketetan Euskadiko koloreak defendatuz. Junior mailan Kattalin Iriondo eta kadete mailan Naroa Olano, Amaia Astarloa, Eneko Arocena eta Urko Vidal.

Beasainen izan dira  Kadete mutilak eta Junior neskak, Atxondon  Kadete neskak larunbat honetan.

Oso maila txukunean  aritu dira  guztiak, lehen zirkuitoz kampoko  lasterketa  izanik  askorentzat. Atxondon neska  kadeteak  lasterketa ezbehariik gabe amaitu dute . Beasainen  berriz  erorketak, matxurak eta ezbeharrak izan dituzte. Ala ere  txirrindularien lan bikainari esker bigarren postuan sailkatu da Eneko Arocena, laugarrenean Yon Mikel Artola eta zortzigarrenean Urko Vidal, modu honetan  taldekako garaipena ezkuratuz. 

Helmugaratzeko sprinta nagusia pasa ondoren lurrera jauzi dira Eneko eta Yon Mikel  bide erdian topatu dituzten  argazkilari  multzotik, bat aurrean eraman ondoren. Ondorioz lepauztail inguruan du min  Yon MIkelek.  Lasterketan izandako beste erorketa baten ondoren Zumarragako ospitalera erman dute Ibai Irisarri, baina zorionez ez du autsirik eta kolpearen minak ditu sahietsean.

TOLOSAKO  Oriako txirrindulari  eskolak  betidanik eman die neskei babesa txirrindulari eskolan. Aurtengoan  ere babesle  berrien laguntzak batu eta nesken taldeari beste bultzadatxoa eman zaio. 

Hemen  duzue  aurtengoan  neskek izango duten kirol arroparen diseinu  berria. Babesletza eskeintzen duen ZU-K kirol ekipaien egileak diseinatua.  Ibarrako  Apatta industrialdean, imprimatu eta josiak, bertan egiña , bertakoentzako, gertuasun  osoz. 

Babesleen artean: DISUR 2000, EPI eta lanerako arropak, IKOLANSPORT kirol pobren antolakuntzen kontratazio gestioetan adituak, ZU-K kirol ekipaiak,  GIPUZKOA KIROLA , Irizargroup, Arsuaga Bizikletak, eta LIMOUSIN .

Bizkaiko Atxondon  estreinatuko dute irudi berria larunbatean.

Zorterik onena NESKAK¡¡¡¡¡

Estreinatu dira  Kadete  mailakoak errepidean, gogoz gainezka ziren  dagoeneko  gure mutilak.  Eguraldia ez zuten izan lagun  lehenengo probarako, errepidea  ez zegoen  txantxetarako, baina lan txukuna bete zuten Ibaetako  zirkuituan. Finalerako sailkatu zirenak, azken itzuliak  kaleko argiztapenarekin  lagunduta  amaitu zuten proba. 

Datorren  larunbatean  Beasainen izango dira, ibilbidean topatuko dute Olaberriko  igoera  azken kilometroetan indar ustutzeko, zorterik onena mutilak¡¡¡